പനാജി: ഗോവ മുഖ്യമന്ത്രി മനോഹര്‍ പരീക്കര്‍ക്ക് പാന്‍ക്രിയാസ് കാന്‍സറാണെന്ന് ഗോവ സര്‍ക്കാര്‍ സ്ഥിരീകരിച്ചു. ആരോഗ്യമന്ത്രി വിശ്വജിത് റാണെയാണ് ഇക്കാര്യം പ്രസ്താവനയിലൂടെ അറിയിച്ചത്.

'പരീക്കര്‍ ഗോവ മുഖ്യമന്ത്രിയാണ്, അദ്ദേഹം അസുഖബാധിതനാണ് എന്നതാണ് വസ്തുത. പാന്‍ക്രിയാസില്‍ അര്‍ബുദ ബാധിതനാണ്. ഈ വസ്തുത ഒളിച്ചുവെക്കുന്നില്ല'-വിശ്വജിത് റാണെ മാധ്യമങ്ങളെ അറിയിച്ചു.

മുഖ്യമന്ത്രി രോഗബാധിതനാണോ ഭരണം നടത്താനുള്ള ആരോഗ്യമുണ്ടോ എന്നീ കാര്യങ്ങളില്‍ സര്‍ക്കാര്‍ നിജസ്ഥിതി അറിയിക്കണമെന്ന് കാലങ്ങളായി പ്രതിപക്ഷം ആവശ്യപ്പെട്ട് വരുകയായിരുന്നു.