ദമാം: കോഴിക്കോട് സര്‍വകാലശാലക്ക് കീഴിലുള്ള കോളേജുകളിലേക്കു നടന്ന യൂണിയന്‍ തെരഞ്ഞെടുപ്പില്‍ എം.എസ്.എഫ് നേടിയ ചരിത്ര വിജയം വിദ്യര്‍ത്ഥി സമൂഹം എന്നും അക്രമത്തിനും,വര്‍ഗീയതക്കും,അരാഷ്ട്രീയവാദത്തിനും എതിരെയാണെന്ന് തെളിയിക്കുന്നുവെന്നു ജുബൈല്‍ കെ.എം.സി.സി സെന്‍ട്രല്‍ കമ്മിറ്റി വാര്‍ത്ത കുറിപ്പില്‍ അറിയിച്ചു.
എം.എസ്.എഫിന്റെ പതാകയുമായി ബന്ധപെട്ടു സംഘ് പരിവാറുമായി ചേര്‍ന്ന് എസ്.എഫ്.ഐ നടത്തിയ വ്യാജ പ്രചരണത്തിനുള്ള മറുപടി കൂടിയാണ് ഈ തിളക്കമാര്‍ന്ന വിജയമെന്ന് ജുബൈല്‍ കെ.എം.സി.സി സെന്‍ട്രല്‍ കമ്മിറ്റി ഭാരവാഹികളായ ഫാസ് മുഹമ്മദലി,യു.എ റഹീം,നൗഷാദ് തിരുവനന്തപുരം,ഷംസുദ്ദീന്‍ പള്ളിയാളി എന്നിവര്‍ വാര്‍ത്ത കുറിപ്പില്‍ അറിയിച്ചു. ഈ വിജയത്തിനായി പ്രവര്‍ത്തിച്ച എം.എസ്.എഫ് നേതൃത്വത്തെയും,വിദ്യാര്‍ത്ഥികളെയും ജുബൈല്‍ കെ.എം.സി.സി സെന്‍ട്രല്‍ കമ്മിറ്റി അഭിനന്ദിച്ചു.