പുളിക്കല്‍: കാഴ്ച പരിമിതര്‍ക്കായി പുളിക്കല്‍ കേന്ദ്രമായി പ്രവര്‍ത്തിക്കുന്ന ഗ്ലോബല്‍ ഇസ്‌ലാമിക് ഫോര്‍ ദി ബ്ലൈന്‍ഡിന്റെ (ജിഫ്ബി) കീഴില്‍ ഇഫ്താര്‍ വിരുന്ന് സംഘടിപ്പിച്ചു. വര്‍ഷം തോറും ജിഫ്ബി നടത്തി വരുന്ന ഇഫ്താര്‍ സംഗമങ്ങള്‍ കാഴ്ചയില്ലാത്തവരുടെ സമ്മേളനമാണ്. അന്ധരെക്കൂടാതെ കക്ഷി രാഷ്ട്രീയ സംഘടനാ ഭേദമന്യേ നൂറുകണക്കിന് ആളുകളും പങ്കെടുക്കുന്നുണ്ട്. ഇഫ്താര്‍ സംഗമം ജിഫ്ബി ചെയര്‍മാന്‍ ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്തു. കംപ്യൂട്ടര്‍ പഠനം പൂര്‍ത്തിയാക്കിയ അന്ധ പഠിതാക്കള്‍ക്ക് അദ്ദേഹം സര്‍ട്ടിഫിക്കറ്റ് വിതരണം ചെയ്തു. സംഗമത്തില്‍ പുളിക്കല്‍ പഞ്ചായത്ത് അംഗം പി.അബ്ദുല്ല മാസ്റ്റര്‍ അധ്യക്ഷനായി.
വാര്‍ഡ് മെമ്പര്‍ ഉമ്മര്‍ പി.പി, അബ്ദു റഹ്മാന്‍ കാളോത്ത്, ബഷീര്‍ മാസ്റ്റര്‍, ഷക്കീര്‍ സംബന്ധിച്ചു.