ന്യൂഡല്‍ഹി: പതിനഞ്ചാം ധനകാര്യ കമ്മീഷനിലൂടെ 42 ശതമാനമുള്ള സംസ്ഥാനങ്ങളുടെ വിഹിതം വെട്ടിക്കുറക്കാനാണ് കേന്ദ്ര ശ്രമമെന്ന് ധനമന്ത്രി തോമസ് ഐസക്. സംസ്ഥാനങ്ങളുടെ അധികാരത്തില്‍ കൈകടത്താനാണ് ശ്രമം. ഈ നീക്കം ഭരണഘടനാ വിരുദ്ധമാണ്. അത്തരം നടപടി കേന്ദ്രസര്‍ക്കാര്‍ സ്വീകരിച്ചാല്‍ കോടതിയില്‍ പോകേണ്ടി വരും. മറ്റ് സംസ്ഥാനങ്ങളിലെ ധനമന്ത്രിമാരുമായി കൂടി ആലോചിച്ച ശേഷം തുടര്‍ നടപടി സ്വീകരിക്കുമെന്നും തോമസ് ഐസക് വ്യക്തമാക്കി.
പതിനഞ്ചാം ധനകാര്യ കമ്മീഷന്റെ പരിശോധനാ വിഷയങ്ങള്‍ സംസ്ഥാനങ്ങളില്‍ എങ്ങനെ പ്രതിഫലിക്കും എന്ന വിഷത്തിലെ സെമിനാറില്‍ പങ്കെടുത്ത ശേഷം മാധ്യമങ്ങളോട് സംസാരിക്കുകായിരുന്നു തോമസ് ഐസക്.