ഹരിപ്പാട്: ആര്‍.എസ്.എസ് ഏകാധിപത്യം അടിച്ചേല്‍പ്പിക്കുവാന്‍ ശ്രമിക്കുകയാണെന്ന് കാനം രാജേന്ദ്രന്‍ പറഞ്ഞു.
ഒന്നാം സി.പി.ഐ സര്‍ക്കാരിന്റെ 60ാം വാര്‍ഷികാഘോഷം ഹരിപ്പാട് ഭവാനി മന്ദിര്‍ ആഡിറ്റോറിയത്തില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വര്‍ഗ്ഗീയ ഫാസിസ്റ്റ് ശക്തികള്‍ക്കെതിരേ രാഷ്ട്രീയത്തിന്റെ കുഴല്‍ കണ്ണാടിയിലൂടെ നോക്കിക്കാണാതെ ജനകീയശക്തി ഉയര്‍ന്നു വരണമെന്നും,   ദേശീയ തലത്തില്‍ ബദലുണ്ടാകണമെന്നും അതിന് പാര്‍ട്ടിയെ ശക്തിപ്പെടുത്തേണ്ടത് ആവശ്യമാണെന്നും അദ്ദേഹം  പറഞ്ഞു,
സി.പി.ഐ സംസ്ഥാന കൗണ്‍സില്‍ അംഗം കെ.എം.ചന്ദ്ര ശര്‍മ്മ അധ്യക്ഷനായി. സി.പി.ഐ സംസ്ഥാന എക്‌സി.അംഗം പി.പ്രസാദ്, സംസ്ഥാന കൗണ്‍സില്‍ അംഗങ്ങളായ ടി.ജെ ആഞ്ചലോസ്, അഡ്വ.എ.ഷാജഹാന്‍, ജില്ലാ കൗണ്‍സില്‍ അംഗങ്ങളായ ഡി. അനീഷ്, എം.സോമന്‍, ജി. പുഷ്പരാജ്, സി.എ.അരുണ്‍കുമാര്‍, പി.വി.സത്യനേശന്‍, പി.വി.സുഗതന്‍, കെ.എസ്.രവി എന്നിവര്‍ സംസാരിച്ചുചു. ജില്ലാ. അസി.സെക്രട്ടറി എന്‍.സുകുമാരപിള്ള സ്വാഗതം പറഞ്ഞു.