മലപ്പുറം: സംസ്ഥാന ന്യൂനപക്ഷക്ഷേമ വകുപ്പ് വഴി നടപ്പിലാക്കുന്ന ഇമ്പിച്ചി ബാവ ഭവന നിര്‍മാണപുനരുദ്ധാരണ പദ്ധതിയുടെ സംസ്ഥാനതല ഉദ്ഘാടനം പത്തിന് ഉന്നത വിദ്യാഭ്യാസന്യൂനപക്ഷക്ഷേമ മന്ത്രി ഡോ. കെ.ടി ജലീല്‍ നിര്‍വഹിക്കും. ഉച്ചയ്ക്ക് രണ്ടിന് മലപ്പുറം മുനിസിപ്പല്‍ ബസ് സ്റ്റാന്‍ഡ് ഓഡിറ്റോറിയത്തില്‍ നടക്കുന്ന ചടങ്ങില്‍ പി. ഉബൈദുല്ല എം.എല്‍.എ അധ്യക്ഷനാകും. പി.കെ കുഞ്ഞാലിക്കുട്ടി എം.പി, വകുപ്പ് സെക്രട്ടറി ഷാജഹാന്‍, ജില്ലാ കലക്ടര്‍ അമീത് മീണ, മലപ്പുറം മുനിസിപ്പല്‍ ചെയര്‍ പേഴ്‌സണ്‍ സി.എച്ച് ജമീല ടീച്ചര്‍, മറ്റു ജനപ്രതിനിധികള്‍, ഉദ്യോഗസ്ഥര്‍ പങ്കെടുക്കും. സംസ്ഥാനത്തൊട്ടാകെ 1,798 പുതിയ വീടുകളുടെ നിര്‍മാണവും 1000 വീടുകളുടെ പുനരുദ്ധാരണവുമാണ് പദ്ധതി ലക്ഷ്യമിടുന്നത്.