എരുമപ്പെട്ടി: കരിയന്നൂരില്‍ കാറും ഇരുചക്ര വാഹനങ്ങളും കൂട്ടിയിടിച്ച് കുട്ടികളടക്കം മൂന്ന് പേര്‍ക്ക് സാരമായി പരുക്കേറ്റു. സ്‌കൂട്ടറില്‍ സഞ്ചരിച്ചിരുന്ന കറുകപുത്തൂര്‍ ഇട്ടോണം അത്താണി പറമ്പില്‍ ഇബ്രാഹീം, ഇദ്ദേഹത്തിന്റെ മകളുടെ കുട്ടികളായ രണ്ട@ര വയസുകാരി ലൂമി, എട്ട് വയസുകാരന്‍ യാസിര്‍ എന്നിവര്‍ക്കാണ് പരുക്കേറ്റത്.
ഇന്നലെ വൈകീട്ട് നാലോടെ കരിയന്നൂര്‍ ജാറംപള്ളിക്ക് സമീപമാണ് അപകടമുണ്ട@ായത്. കുന്നംകുളം ഭാഗത്ത് നിന്നും അമിത വേഗത്തില്‍ വന്നിരുന്ന കാര്‍ നിയന്ത്രണം വിട്ട് എതിരെ വന്നിരുന്ന ഇരുചക്ര വാഹനങ്ങളില്‍ ഇടിക്കുകയായിരുന്നു.
സ്‌കൂട്ടറില്‍ ഇബ്രാഹീമും മകളും കുട്ടികളുമാണ് സഞ്ചരിച്ചിരുന്നത്. മകളും കൈകുഞ്ഞും പരുക്കേല്‍ക്കാതെ രക്ഷപ്പെട്ടു.
കാര്‍ പൂര്‍ണമായും തകര്‍ന്നു. അപകടത്തില്‍പ്പെട്ട ബൈക്കിലെ യാത്രക്കാരന്‍ റോഡില്‍ തെറിച്ച് വീണെങ്കിലും നിസാര പരുക്കുകളോടെ രക്ഷപ്പെട്ടു. പരുക്കേറ്റവരെ എരുമപ്പെട്ടി ആക്‌സ് പ്രവര്‍ത്തകര്‍ കുന്നംകുളം റോയല്‍ ആശുപത്രിയില്‍ പ്രവേശിപ്പിച്ചു.