തൃക്കരിപ്പൂര്‍: സുപ്രഭാതം ദിനപത്രത്തിന്റെ മൂന്നാം വാര്‍ഷിക കാംപയിന്‍ സംഘടിപ്പിക്കുന്നതിന്  തൃക്കരിപ്പൂര്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ വിപുലമായ ഒരുക്കങ്ങള്‍. ഇതിന്റെ ഭാഗമായി റെയ്ഞ്ച് പരിധിയിലെ മദ്‌റസകളിലെ പ്രധാന അധ്യാപകര്‍, മാനേജ്‌മെന്റ് പ്രതിനിധികള്‍ എന്നിവരുടെ സംഗമം നാളെ രാവിലെ മുനവ്വിറുല്‍ ഇസ്‌ലാം മദ്‌റസയില്‍ നടക്കും. സമസ്ത കേന്ദ്ര മുശാവറ അംഗം മാണിയൂര്‍ അഹമ്മദ് മൗലവി ഉദ്ഘാടനം ചെയ്യും. ഒന്‍പതിനു ഭവനങ്ങള്‍ സന്ദര്‍ശിച്ചു വരിക്കാരെ ചേര്‍ക്കല്‍, 10നു മദ്‌റസാതല വരിക്കാരെ ചേര്‍ക്കല്‍, 15നു റെയ്ഞ്ച് പരിധിയിലെ ഇരുപതോളം സ്‌കൂളുകളില്‍ ഒരേ സമയം 'സ്‌നേഹപൂര്‍വം സുപ്രഭാതം' പദ്ധതി. 20ന് സുപ്രഭാതം വരിക്കാരുടെ  ലിസ്റ്റ് റെയ്ഞ്ച് ഭാരവാഹികളെ തിരിച്ചേല്‍പ്പിക്കല്‍ എന്നിങ്ങനെ നടക്കും.  മദ്‌റസകളിലെ പ്രധാന അധ്യാപകര്‍, മദ്‌റസ മാനേജ്‌മെന്റ് പ്രതിനിധികള്‍, സുപ്രഭാതം ബന്ധുക്കള്‍ സംബന്ധിക്കണമെന്ന് പ്രസിഡന്റ് മാണിയൂര്‍ അഹമ്മദ് മൗലവി, ജനറല്‍ സെക്രട്ടറി ഹാരിസ് ഹസനി എന്നിവര്‍ അറിയിച്ചു.