കോഴിക്കോട്: ജില്ലാ കലക്ടര്‍ യു.വി ജോസ് എം.ടി വാസുദേവന്‍ നായരെ സന്ദര്‍ശിച്ചു. നിപ, പ്രളയം തുടങ്ങി ദുരന്തഘട്ടങ്ങളില്‍ ജില്ലാ കലക്ടറുടെ നേതൃത്വത്തില്‍ നടത്തിയ പ്രവര്‍ത്തനങ്ങളെ എം.ടി അഭിനന്ദിച്ചു. ജില്ലാ ഭരണകൂടത്തിനു നല്‍കിയ പിന്തുണയ്ക്കും നിര്‍ദേശങ്ങള്‍ക്കും കലക്ടര്‍ നന്ദി പ്രകടിപ്പിച്ചു.ഇന്നലെ രാവിലെ 9.30നാണ് എം.ടിയെ സന്ദര്‍ശിച്ചത്. കുടുംബാംഗങ്ങളുമായും സംസാരിച്ചു. ലാന്‍ഡ് റവന്യു ജോയിന്റ് കമ്മിഷണറായി സ്ഥലംമാറ്റം ലഭിച്ച സാഹചര്യത്തിലാണു കലക്ടറുടെ സന്ദര്‍ശനം. പുതിയ തസ്തികയില്‍ ജോസിന് എം.ടി എല്ലാ ആശംസകളും നേര്‍ന്നു.