വടകര : പതിയാരക്കര മന്ദത്ത്കാവ് യു.പി സ്‌കൂളില്‍ ഇഫ്താര്‍ സംഗമം പഞ്ചായത്ത് അംഗം വിജില ഉദ്ഘാടനം ചെയ്തു. വി.വി ബഷീര്‍, പി. വിജയകുമാര്‍, കെ.ക അഷ്‌റഫ്, സി.പി ശൈലജ സംസാരിച്ചു.
വടകര അരവിന്ദ് ഘോഷ് റസിഡന്റ്‌സ് അസോസിയേഷന്റെ ആഭിമുഖ്യത്തില്‍ ഇഫ്താര്‍ സംഗമം സംഘടിപ്പിച്ചു. എം.പി അഹമദ്, ബാലകൃഷ്ണന്‍ നായര്‍, ടി.കെ സതീഷ് കുമാര്‍, ഇ.കെ രവീന്ദ്രന്‍, കെ.ടി.കെ ബാബു സംസാരിച്ചു.
മുക്കാളി മഹല്ല് കമ്മിറ്റിയും മുക്കാളി അയ്യപ്പ ക്ഷേത്ര കമ്മിറ്റിയും സംയുക്തമായി സംഘടിപ്പിച്ച ഇഫ്താര്‍ സംഗമം നാടിന്റെ ഒരുമ വിളിച്ചോതുന്നതായി. വലിയ ജന പങ്കാളിത്തമാണ് ഇഫ്താറിലുണ്ടായിത്. കഴിഞ്ഞ വര്‍ഷങ്ങളിലും മഹല്ല് കമ്മിറ്റിയും ക്ഷേത്ര കമ്മിറ്റിയും സംയുക്തമായി ഇഫ്താര്‍ സംഗമങ്ങള്‍ സംഘടിപ്പിച്ചിരുന്നു. പരിപാടി മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്തു. അഴിയൂര്‍ ഗ്രാമ പഞ്ചായത്ത് പ്രസിഡന്റ് ഇ,ടി അയ്യൂബ് അധ്യക്ഷനായി. ജില്ലാ പഞ്ചായത്ത് അംഗം എ.ടി ശ്രീധരന്‍, പഞ്ചായത്ത് വൈസ് പ്രസിഡന്റ് റീന രയരോത്ത്, വി.പി ജയന്‍, കെ.പി ഗോവിന്ദന്‍, വി.പി മോഹന്‍ദാസ്, പാമ്പള്ളി ബാലകൃഷ്ണന്‍, ടി. നാസര്‍ സംസാരിച്ചു.