ജിദ്ദ: വാളയാറില്‍ പിഞ്ചു സഹോദരിമാരുടെ കോലക്കേസ് പുനരന്വേഷിക്കണമെന്നും കൊലപാതകികള്‍ രക്ഷപ്പെടാനിടയായ സാഹചര്യം സൃഷ്ടിച്ച പോലീസിലും പ്രൊസിക്യൂഷനിലും ഉണ്ടായ ഉന്നത രാഷ്ട്രീയ ഇടപെടലുകള്‍ പുറത്തുകൊണ്ടുവരണമെന്നും പ്രവാസി സാംസ്‌കാരിക വേദി ജിദ്ദ സെന്‍ട്രല്‍ കമ്മറ്റി ആവശ്യപ്പെട്ടു.

ഭരണകക്ഷിയായ സി.പി.എമ്മുമായി ബന്ധമുള്ളവരാണ് കുറ്റവാളികള്‍ എന്ന ശക്തമായ ആരോപണം നിലനില്‍ക്കുന്നതിനാല്‍ സ്വതന്ത്ര ഏജന്‍സിയെ കൊണ്ട് അന്വേഷിപ്പിക്കണം. ദളിതുകള്‍ക്കും ആദിവാസികള്‍ക്കുമെതിരെ പീഡനങ്ങള്‍ വര്‍ധിച്ചുകൊണ്ടിരിക്കുന്നു. ദുര്‍ബല പിന്നോക്ക വിഭാഗങ്ങള്‍ക്ക് ഉത്തരേന്ത്യപോലെ കേരളത്തിലും നീതി നിഷേധിക്കപ്പെടുന്ന സാഹചര്യം ആശങ്കാജനകമാണ്.

വാളയാര്‍ കൊലക്കേസുമായി ബന്ധപ്പെട്ട് വെല്‍ഫെയര്‍ പാര്‍ട്ടി സംസ്ഥാന വ്യാപകമായി നടത്തിക്കൊണ്ടിരിക്കുന്ന പ്രക്ഷോഭ സമര പരിപാടികള്‍ക്ക് സംഘടന പിന്തുണ അറിയിക്കുന്നുവെന്ന് സെന്‍ട്രല്‍ കമ്മറ്റി പ്രസിഡന്റ് റഹീം ഒതുക്കുങ്ങല്‍, സെക്രട്ടറി എം പി അഷ്‌റഫ് എന്നിവര്‍ വാര്‍ത്താ കുറിപ്പില്‍ അറിയിച്ചു.