#ഉബൈദുല്ല റഹ്മാനി

മനാമ: ഔദ്യോഗിക സന്ദര്‍ശനാര്‍ഥം ബഹ്‌റൈനിലെത്തിയ സഊദി കിരീടാവകാശിയും ഉപപ്രധാനമന്ത്രിയും പ്രതിരോധമന്ത്രിയുമായ പ്രിന്‍സ് മുഹമ്മദ് ബിന്‍ സല്‍മാന്‍ ബിന്‍ അബ്ദുല്‍ അസീസ് അല്‍ സൗദ് ബഹ്‌റൈന്‍ രാജാവ് ഹമദ് ബിന്‍ ഈസ ആല്‍ ഖലീഫയുമായി അദ്ദേഹം ചര്‍ച്ച നടത്തി.

ഇരുരാഷ്ട്രങ്ങള്‍ക്കിടയിലും സുപ്രധാനമായ നിരവധി വിഷയങ്ങളില്‍ ചര്‍ച്ചകള്‍ നടന്നതായി റിപ്പോര്‍ട്ടുണ്ട്.
പൊതുവിഷയങ്ങളും വിവിധ മേഖലകളിലെ സഊദിബഹ്‌റൈന്‍ സഹകരണവും കൂടിക്കാഴ്ചയില്‍ ചര്‍ച്ച ചെയ്തതായി ബഹ്‌റൈന്‍ ന്യൂസ് ഏജന്‍സി അറിയിച്ചു.

ബഹ്‌റൈന്‍ പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ ആല്‍ ഖലീഫയും കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫയും ചര്‍ച്ചയില്‍ പങ്കെടുത്തിരുന്നു.