തേഞ്ഞിപ്പലം: സ്വകാര്യവ്യക്തിയുടെ പറമ്പിലെ തേക്കു മുറിഞ്ഞുവീണ് വൈദ്യുതിലൈനും കാലുകളും തകര്‍ന്നു. ചേളാരി വൈക്കത്തുപാടം പടിക്കല്‍ റോഡ് ജങ്ഷനില്‍ മേലോടിപറമ്പ് സ്‌കൂളിന് സമീപം ഇന്നലെ ഉച്ചയോടെയാണ് റോഡരികിലെ തൊടിയിലെ തേക്ക് വൈദ്യുതിലൈനിന് മുകളില്‍ പൊട്ടിവീണത്.
തുടര്‍ന്ന് മൂന്നു വൈദ്യുതി തൂണുകള്‍ തകരുകയും ചെയ്തു. പരിസരവാസികള്‍ ഇടപെട്ട് ഉടനെ തന്നെ വൈദ്യുതി ബന്ധം വിഛേദിച്ചതിനാല്‍ ദുരന്തം ഒഴിവായി. പ്രദേശത്ത് വൈദ്യുതി ബന്ധം പുനസ്ഥാപിക്കാനായിട്ടില്ല.
അറ്റകുറ്റപണികള്‍ തീര്‍ത്ത് ഇന്നു വൈകുന്നേരത്തോടെ വൈദ്യുതി ബന്ധം പുന:സ്ഥാപിക്കാനാകുമെന്ന് അധികൃതര്‍ അറിയിച്ചു.