കോഴിക്കോട്: 21 വര്‍ഷത്തെ സ്തുത്യര്‍ഹമായ സേവനത്തിനുശേഷം കെ.എസ്.ആര്‍.ടി.സിയില്‍നിന്ന് വിരമിക്കുന്ന ജനകീയനായ ഇന്‍സ്‌പെക്ടര്‍ പി. ഗിരീഷിന് സഹപ്രവര്‍ത്തകരുടെ നേതൃത്വത്തില്‍ യാത്രയയപ്പ് നല്‍കി.
അധ്യാപന ജീവിതം ഉപേക്ഷിച്ച് കെ.എസ്.ആര്‍.ടി.സിയിലെ പ്രതിസന്ധി നിറഞ്ഞ കാലഘട്ടത്തിലും ജീവനക്കാര്‍ക്ക് പ്രചോദനമേകാന്‍ അത്തോളി സ്വദേശിയായ ഗിരീഷ് നടത്തിയ പ്രവര്‍ത്തനങ്ങള്‍ സംസ്ഥാനതലത്തില്‍ വരെ ശ്രദ്ധ നേടിയിരുന്നു.
സ്‌പോര്‍ട്‌സ് കൗണ്‍സില്‍ ഹാളില്‍ നടന്ന ചടങ്ങ് കെ.പി.സി.സി സെക്രട്ടറി അഡ്വ. പ്രവീണ്‍കുമാര്‍ ഉദ്ഘാടനം ചെയ്തു. കെ.എസ്.യു സംസ്ഥാന പ്രസിഡന്റ് കെ.എം അഭിജിത്ത് ക്ഷേമനിധി ചെക്ക് കൈമാറി.
അനൂപ് അധ്യക്ഷനായി. കെ.പി.സി.സി നിര്‍വാഹകസമിതി അംഗം യു.വി ദിനേശ് മണി, ടി.ഡി.എഫ് ഭാരവാഹികളായ ടി.കെ നൗഷാദ്, പി. ഷൈജു, അഷ്‌റഫ് കാക്കൂര്‍, ഇ. സുനില്‍കുമാര്‍, ടി.എം ബാബുരാജ്, കെ. സുനില്‍, സി.എം സഹാദത്ത്, എം.എ പ്രഭാകരന്‍ നായര്‍, ഒ.കെ.യു നായര്‍, ഐ.എന്‍.ടി.യു.സി യുവജന വിഭാഗം ജില്ലാ സെക്രട്ടറി ടി.കെ റിയാസ് സംസാരിച്ചു.