അഹമ്മദാബാദ്: ഗുജറാത്തില്‍ ബി.ജെ.പി കളിച്ച കളി തിരിച്ചു കളിച്ച് കോണ്‍ഗ്രസ്, രാജ്യസഭാ തെരഞ്ഞെടുപ്പില്‍ അഹമ്മദ് പട്ടേലിന് വോട്ടു ചെയ്ത ബി.ജെ.പി വിമത എം.എല്‍.എ നളിന്‍ കൊട്ടാഡിയെ കോണ്‍ഗ്രസിലേക്ക് ക്ഷണിച്ചു.
എ.ഐ.സി.സി സെക്രട്ടറി ദീപക് ബാബറിയാണ് അദ്ദേഹത്തെ ക്ഷണിച്ച കാര്യം അറിയിച്ചത്. ഗുജറാത്ത് പരിവര്‍ത്തന്‍ പാര്‍ട്ടിയിലൂടെയാണ് കൊട്ടാഡിയ നിയമസഭയിലെത്തിയത്. തുടര്‍ന്ന് 2014ല്‍ ഈ പാര്‍ട്ടി ബി.ജെ.പിയില്‍ ലയിച്ചു.
ഗുജറാത്തില്‍ ആറ് കോണ്‍ഗ്രസ് എം.എല്‍.എമാര്‍ ബി.ജെ.പിയിലേക്ക് കൂറുമാറിയതിനാല്‍ അഹമ്മദ് പട്ടേലിന്റെ വിജയം നിര്‍ണയാതീതമായിരുന്നു.
കൊട്ടാഡിയുടെയും ജെ.ഡി.യു എം.എല്‍.എയുടെയും വോട്ടുകള്‍ അഹമ്മദ് പട്ടേലിന് ആശ്വാസമായപ്പോള്‍ സ്വന്തം മുന്നണിക്കുള്ളില്‍ ശക്തമായ തിരിച്ചടി നേരിട്ടതിന്റെ ഞെട്ടലിലാണ് ബി.ജെ.പിയും അമിത്ഷായും.