വളാഞ്ചേരി: എടയൂര്‍ പഞ്ചായത്തിലെ നിര്‍ധന രോഗികളെ സഹായിക്കാന്‍ രണ്ടുവര്‍ഷമായി പൂക്കാട്ടിരി കേന്ദ്രമായി പ്രവര്‍ത്തിക്കുന്ന സേവന പെയിന്‍ ആന്‍ഡ് പാലിയേറ്റീവ് സൊസൈറ്റിക്ക് അത്തിപ്പറ്റ മൊയ്തീന്‍കുട്ടിമുസ്‌ലിയാരുടെ നേതൃത്വത്തില്‍ പ്രവര്‍ത്തിക്കുന്ന ഫതഹുല്‍ ഫത്താഹ് സെന്റര്‍ നല്‍കുന്ന വാഹനം ഇന്ന് ഉച്ചക്ക് രണ്ടിന് പാണക്കാട് സയ്യിദ് മുനവ്വറലി ശിഹാബ് തങ്ങള്‍ കൈമാറും. സേവന പ്രസിഡന്റ് അബ്ദുല്‍റഷീദ് കിഴിശ്ശേരി ഏറ്റുവാങ്ങും.
കെ.കെ ആബിദ്ഹുസൈന്‍തങ്ങള്‍ എം.എല്‍.എ ഉദ്ഘാടനംചെയ്യും. ബ്ലോക്ക് പ്രസിഡന്റ് ആതവനാട് മുഹമ്മദ്കുട്ടി, എടയൂര്‍ പഞ്ചായത്ത് പ്രസിഡന്റ് രാജീവ്, ഡോ. മുജീബ്‌റഹ്മാന്‍, ഡോ. ആലിയാമു, വി.പി.എം സാലിഹ്, സി.പി ഹംസഹാജി സംസാരിക്കും