ഗൂഡല്ലൂര്‍: ഗൂഡല്ലൂര്‍, പന്തല്ലൂര്‍ താലൂക്കുകളില്‍ വൈദ്യുതി മുടക്കം പതിവാകുന്നു. ഇതു കാരണം വ്യാപാരികളും മറ്റുതൊഴില്‍ സ്ഥാപനങ്ങള്‍ നടത്തന്നവര്‍ ദുരിതത്തിലായിരിക്കുകയാണ്.
തമിഴ്‌നാട് ഇലക്ട്രിക് സിറ്റി ബോര്‍ഡില്‍ ജീവനക്കാരുടെ കുറവു കാരണമാണ് അറ്റകുറ്റപണികള്‍ വേണ്ട സമയത്ത് നടത്തുന്നതിന് തടസമാകുന്നത്.
ഇതിനു പുറമെ ഇരു താലൂക്കുകളിലും വൈദ്യുതി കമ്പികള്‍ കടന്നു പോകുന്നത് മര ചില്ലകളില്‍ മുട്ടിയാണ്. ഇത് വൈദ്യുതി തടസത്തിനും അപകടത്തിനും കാരണമാകുന്നുണ്ട്. വൈദ്യുത കമ്പികളില്‍ മുട്ടി നില്‍ക്കുന്ന മരച്ചില്ലകള്‍ വെട്ടിമാറ്റി വൈദ്യുത തടസം ഒഴിവാക്കുന്നുള്ള നടപടി സ്വീകരണമെന്ന ആവശ്യം ശക്തമായിരിക്കുകയാണ്.