ന്യൂഡല്‍ഹി: നിതീഷ് കുമാറിന്റെ ചുവടുമാറ്റവും വിശാല സഖ്യത്തിന്റെ തകര്‍ച്ചയും ബാധിച്ചിട്ടില്ലെന്ന്് തെളിയിക്കാനൊരുങ്ങി ശരത് യാദവ്. ശക്തി തെളിയിക്കാനായി ശരത് യാദവ് വിളിച്ചു ചേര്‍ത്ത പ്രതിപക്ഷ പാര്‍ട്ടികളുടെ യോഗം ഇന്നു ചേരും. കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി അടക്കമുള്ള നേതാക്കള്‍ യോഗത്തില്‍ പങ്കെടുക്കും.

സാസ്‌കാരിക വൈവിധ്യങ്ങള്‍ സംരക്ഷിക്കപ്പെടണമെന്നതാണ് യോഗത്തിന്റെ മുഖ്യ അജണ്ടയെന്നാണ് ശരത് യാദവിന്റെ വിശദീകരണം. വാര്‍ത്താ സമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. സാസ്‌കാരിക വൈവിധ്യം ഭരണഘടനയുടെ ആത്മാവാണന്നും അത് സംരക്ഷിക്കപ്പെടണമെന്നും അദ്ദേഹം വ്യക്തമാക്കി.

കോണ്‍ഗ്രസിനു പുറമെ ഇടതു പാര്‍ട്ടികള്‍, ബി.എസ്.പി, എസ്.പി, തൃണമൂല്‍, ആര്‍.ജെ.ഡി തുടങ്ങിയ പാര്‍ട്ടികളും യോഗത്തില്‍ പങ്കെടുക്കും.