കണ്ണൂര്‍: ഇന്ത്യയെ തല്ലിക്കൊല്ലുന്നത് തടയുക എന്ന മുദ്രാവാക്യമുയര്‍ത്തി എസ്.ഡി.പി.ഐ നടത്തുന്ന ജനകീയ പ്രചാരണത്തിന്റെ ഭാഗമായി ജില്ലാ കമ്മിറ്റിയുടെ നേതൃത്വത്തില്‍ 21ന് തലശേരിയില്‍ ആര്‍.എസ്.എസ് ഭീകരതക്കെതിരേ ബഹുജന റാലിയും പ്രതിരോധ സംഗമവും സംഘടിപ്പിക്കും. വൈകുന്നേരം 4.30ന് സ്റ്റേഡിയത്തില്‍ നിന്ന് റാലി ആരംഭിച്ച് പുതിയ ബസ് സ്റ്റാന്‍ഡില്‍ സമാപിക്കും. പ്രതിരോധ സംഗമം സംസ്ഥാന ഉപാധ്യക്ഷന്‍ മൂവാറ്റുപുഴ അഷ്‌റഫ് മൗലവി ഉദ്ഘാടനം ചെയ്യും. വാര്‍ത്താസമ്മേളനത്തില്‍ ബഷീര്‍ പുന്നാട്, ബഷീര്‍ കണ്ണാടിപ്പറമ്പ്, എ.സി ജലാലുദ്ദീന്‍, ടി.കെ ഫാറൂഖ് പങ്കെടുത്തു.