കരുവാരകുണ്ട്: ഗവ. ഹയര്‍സെക്കന്‍ഡറി സ്‌കൂളില്‍ 1999-2000 എസ്.എസ്.എല്‍.സി ബാച്ച് പൂര്‍വ വിദ്യാര്‍ഥി സംഗമം നടത്തി. അന്നത്തെ അധ്യാപകരെ പരിപാടിയില്‍ ആദരിച്ചു. കരുവാരകുണ്ട് ഗവ. ഹയര്‍സെക്കന്‍ഡറി സ്‌കൂള്‍ ഹെഡ്മാസ്റ്റര്‍ രാജന്‍ കരുവാരകുണ്ട് ഉദ്ഘാടനം ചെയ്തു.
ഡെപ്യൂട്ടി ഹെഡ്മാസ്റ്റര്‍ അപ്പുണ്ണി മാസ്റ്റര്‍, അധ്യാപകര്‍, പി.ടി.എ പ്രസിഡന്റ് ഇ.ബി ഗോപാലകൃഷ്ണന്‍, വി.പി.അബൂബക്കര്‍, ടി.കെ.ഉമ്മര്‍, അലുമ്‌നി അസോസിയേഷന്‍ പ്രസിഡന്റ് പി.സാദിഖ് സംബന്ധിച്ചു. പ്രശോഭ് അധ്യക്ഷനായി. റഹ്മത്തുല്ല തെക്കന്‍, ജസ്‌ന സംസാരിച്ചു.
സ്‌കൂള്‍ ഹൈടെക്കാക്കുന്നതിലേക്കുള്ള ധനസഹായം സ്‌കൂള്‍ അധികൃതര്‍ക്ക് കൈമാറി. സുവനീറും കവിതാ സമാഹാരവും പ്രകാശനം ചെയ്തു. തുടര്‍ന്ന് ഹാസ്യനൃത്തവും അരങ്ങേറി.