ന്യൂഡല്‍ഹി: 200 രൂപ നോട്ട് ഇന്ന് പുറത്തിറങ്ങും. ഈമാസം അവസാനമോ അല്ലെങ്കില്‍ അടുത്തമാസം ആദ്യത്തിലോ പുതിയ കറന്‍സി പുറത്തിറങ്ങുമെന്നായിരുന്നു സര്‍ക്കാര്‍ അറിയിച്ചിരുന്നത്. എന്നാല്‍ ഇന്നലെ ആര്‍.ബി.ഐ പുറത്തിറക്കിയ പത്രക്കുറിപ്പില്‍ 200 രൂപ നോട്ട് ഇന്ന് പുറത്തിറക്കുമെന്ന് അറിയിക്കുകയായിരുന്നു. 500 രൂപ നോട്ടിന്റെ രീതിയിലാണ് 200 രൂപയും തയാറാക്കിയിരിക്കുന്നത്. മഞ്ഞ നിറത്തിലുള്ള നോട്ട് മഹാത്മാഗാന്ധി സീരിസില്‍ പെട്ടതാണ്.