കിളിമാനൂര്‍: ഓണാവധി ദിവസങ്ങളില്‍ വില്‍പ്പന നടത്തുക എന്ന ലക്ഷ്യത്തോടെ വ്യാജമദ്യ നിര്‍മാണത്തിലേര്‍പ്പെട്ട ഒരാളെ കിളിമാനൂര്‍ എക്‌സൈസ് ഇന്‍സ്‌പെക്ടര്‍ ഡി.ആര്‍ സുനില്‍ കുമാറും സംഘവും അറസ്റ്റ് ചെയ്തു.
കിളിമാനൂര്‍ നഗരൂര്‍ നന്തായ് വനം ഇരമല്ലി ഷുക്കൂര്‍ (62) ആണ് അറസ്റ്റിലായത്. ഇയാളോടൊപ്പം സഹകരിച്ച് പ്രവര്‍ത്തിച്ചുവന്ന നന്തായ്‌വനം ദൈവകൃപയില്‍ ഉണ്ണി എന്ന് വിളിക്കുന്ന അശോക്കുമാറിനെ പിടികൂടാനുണ്ട്. പ്രതിയെ കോടതിയില്‍ ഹാജരാക്കി.