കോട്ടയം: കേരള മത്സ്യത്തൊഴിലാളി ബോര്‍ഡില്‍ രജിസ്റ്റര്‍ ചെയ്തിട്ടുളള മത്സ്യത്തൊഴിലാളികളുടെ മക്കള്‍ക്ക് സൗജന്യമായി മെഡിക്കല്‍ എന്‍ട്രന്‍സ് പരീശീലനം നല്‍കുന്ന വിദ്യാതീരം പദ്ധതിയ്ക്ക് അപേക്ഷ ക്ഷണിച്ചു.
ഒരു വര്‍ഷത്തെ റസിഡന്‍ഷ്യല്‍ എന്‍ട്രന്‍സ് കോച്ചിങിന് ഒരു വിദ്യാര്‍ഥിക്ക് ആവശ്യമായ തുക പൂര്‍ണ്ണമായും സര്‍ക്കാര്‍ വഹിക്കുന്നതാണ്. ഹയര്‍ സെക്കണ്ടറിവൊക്കേഷണല്‍ ഹയര്‍ സെക്കണ്ടറി തലത്തില്‍ ഫിസിക്‌സ്, കെമിസ്ട്രി, ബയോളജി വിഷയങ്ങള്‍ക്ക് 90 ശതമാനം മാര്‍ക്ക് നേടിയ വിദ്യാര്‍ഥികള്‍ക്കും കേരള മെഡിക്കല്‍ എന്‍ട്രന്‍സില്‍ 40 ശതമാനം മാര്‍ക്ക് നേടിയ വിദ്യാര്‍ഥികള്‍ക്കും അപേക്ഷ സമര്‍പ്പിക്കാം. അപേക്ഷ ഫോറം ഫിഷറീസ് ജില്ലാ ഓഫുസുകളില്‍ ലഭിക്കും. പൂരിപ്പിച്ച അപേക്ഷ ഫോറം 28നകം ഫിഷറീസ് ജില്ലാ ഓഫിസില്‍ നല്‍കണം.