പയ്യന്നൂര്‍: റിട്ട. ഡെപ്യൂട്ടി രജിസ്ട്രാര്‍ പി. ബാലകൃഷ്ണന്റെ മരണത്തില്‍ മൃതദേഹം സംസ്‌കരിച്ച ഷൊര്‍ണൂരിലെ ശാന്തിതീരത്ത് എത്തി അന്വേഷണ സംഘം രേഖകള്‍ ശേഖരിച്ചു. കൊടുങ്ങല്ലൂരിലേക്കുള്ള യാത്രാമധ്യേ ആംബുലന്‍സില്‍ അവശനായ ബാലകൃഷ്ണനെ കൊണ്ടുവരുമ്പോള്‍ മരണപ്പെടുകയും തുടര്‍ന്ന് കൊടുങ്ങല്ലൂര്‍ ജനറല്‍ ആശുപത്രിയില്‍ നിന്നു മൃതദേഹം ഷൊര്‍ണൂരിലെ ശാന്തിതീരത്ത് എത്തിച്ച് സംസ്‌കരിക്കുകയുമായിരുന്നു. ശാന്തിതീരത്തെ രജിസ്റ്ററില്‍ ബാലകൃഷ്ണന്റെ ഭാര്യയുടെ പേരിന്റെ സ്ഥാനം എഴുതിച്ചേര്‍ത്തിരുന്നില്ല. പി. കൃഷ്ണകുമാര്‍ തന്റെ ഇളയമ്മയുടെ മകനാണ് ബാലകൃഷണന്‍ എന്ന് പറയുകയും ബന്ധുക്കളായി താന്‍ മത്രമാണ് ഉള്ളതെന്നും പറഞ്ഞാണ് ശാന്തിതീരത്ത് സംസ്‌കരിക്കാനുള്ള ഉടമ്പടി പത്രികയ്ക്ക് ഒപ്പിട്ടുനല്‍കിയത് എന്നും അന്വേഷണ സംഘം കണ്ടെത്തി.