കണ്ണൂര്‍: മുഴക്കുന്ന് മൃദംഗശൈലേശ്വരി ക്ഷേത്രത്തില്‍ നവരാത്രി ആഘോഷം 21ന് തുടങ്ങും. വൈകുന്നേരം 4.30ന് സാംസ്‌കാരിക സമ്മേളനം ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ ഉദ്ഘാടനം ചെയ്യും. പേരാവൂര്‍ ബ്ലോക്ക് പഞ്ചായത്ത് പ്രസിഡന്റ് ടി. പ്രസന്ന അധ്യക്ഷയാകും. 30 വരെ പ്രശസ്ത കലാകാരന്‍മാരുടെ പരിപാടികള്‍ അരങ്ങേറും. 28ന് ഗ്രന്ഥംവയ്പ്പ്, മഹാനവമി നാളില്‍ വൈകുന്നേരം 7ന് വാഹനപൂജ, വിജയദശമി നാളില്‍ വിദ്യാരംഭവും നടക്കും. വാര്‍ത്താസമ്മേളനത്തില്‍ അജിത്ത് പറമ്പത്ത്, എ. ദാമോധരന്‍, എ.കെ മനോഹരന്‍, എന്‍. സരസിജന്‍, മഠത്തില്‍ വിനോജ് പങ്കെടുത്തു.