എരുമപ്പെട്ടി: കഴിഞ്ഞ ദിവസം രാത്രിയിലുണ്ടായ ശക്തമായ കാറ്റിലും മഴയിലും എരുമപ്പെട്ടി ഗവ: എല്‍.പി.സ്‌കൂളിന് മുകളിലേക്ക് മരം മറിഞ്ഞ് വീണു. സ്‌കൂളിന് സമീപമുള്ള പോസ്റ്റ് ഓഫിസ് കോമ്പൗണ്ടില്‍ നിന്നിരുന്ന പ്ലാവ് മരമാണ് കടപുഴകി വീണത്. ക്ലാസ് മുറിയുടെ ഓടുകള്‍ തകര്‍ന്നതല്ലാതെ കാര്യമായ നാശനഷ്ടങ്ങള്‍ ഉണ്ടായില്ല. എരുമപ്പെട്ടി ഗ്രാമപഞ്ചായത്ത് പ്രസിഡന്റ് മീന ശലമോന്‍, സ്ഥിരം സമിതി അധ്യക്ഷന്‍ എന്‍.കെ.കബീര്‍ എന്നിവര്‍ സ്ഥലം സന്ദര്‍ശിച്ചു.സ്‌കൂളിന് സമീപത്ത് നിലം പൊത്താവുന്ന അവസ്ഥയില്‍ ഇനിയും വലിയ മരങ്ങള്‍ നില്‍ക്കുന്നുണ്ട്.