മെല്‍ബണ്‍: ഇന്ത്യക്കെതിരായ ശേഷിക്കുന്ന രണ്ട് ഏകദിന പോരാട്ടങ്ങള്‍ക്കുള്ള ടീമില്‍ സ്പിന്നര്‍ ആഷ്ടന്‍ അഗര്‍ ഉണ്ടാകില്ല. കൈവിരലിനേറ്റ പരുക്കിനെ തുടര്‍ന്ന് താരം ടീമില്‍ നിന്ന് പുറത്തായി.
മൂന്നാം ഏകദിനത്തില്‍ ഫീല്‍ഡ് ചെയ്യുന്നതിനിടെ താരത്തിന്റെ വലത് കൈയിലെ ചെറുവിരലിന് പരുക്കേറ്റതായി ടീം ഡോക്ടര്‍ വ്യക്തമാക്കി. ഇന്ത്യന്‍ പര്യടനത്തിനുള്ള ടീമില്‍ നിന്ന് പരുക്കേറ്റ് പുറത്താകുന്ന നാലാമത്തെ ഓസീസ് താരമായി അഗര്‍ മാറി.
നേരത്തെ മിച്ചല്‍ സ്റ്റാര്‍ക്ക്, ജോഷ് ഹാസ്‌ലെവുഡ്, ജെയിംസ് പാറ്റിന്‍സന്‍ എന്നിവരും പുറത്തായിരുന്നു. അഗറിന് പകരം മറ്റൊരു താരത്തെ ഓസീസ് ടീമിലുള്‍പ്പെടുത്തിയിട്ടില്ല.