പട്‌ന: പ്രായം ഒന്നിനും തടസമല്ല, പ്രത്യേകിച്ച് പഠനത്തിന്. കാരണം രാജ്കുമാര്‍ എന്ന 98 കാരന്‍ നളന്ദ സര്‍വകലാശാല ഓപ്പണ്‍ സര്‍വകലാശാലയില്‍ നിന്ന് സാമ്പത്തിക ശാസ്ത്രത്തില്‍ ബിരുദാനന്തര ബിരുദം കരസ്ഥമാക്കിയാണ് വ്യത്യസ്തനായത്. 1938ലാണ് അദ്ദേഹം ബിരുദമെടുത്തത്.
തുടര്‍ന്ന് ബിരുദാനന്തര ബിരുദമെടുക്കുകയെന്നത് സ്വപ്നമായിരുന്നുവെന്ന് അദ്ദേഹം പറഞ്ഞു. തുടര്‍ന്ന് പല സാഹചര്യങ്ങള്‍ കാരണം പഠിക്കാന്‍ കഴിഞ്ഞില്ല. അവസാനം 98ാം വയസില്‍ ആഗ്രഹം പൂര്‍ത്തീകരിക്കപ്പെട്ടതിന്റെ സന്തോഷത്തിലാണ് അദ്ദേഹം. മനസില്‍ ആഗ്രഹിച്ചാല്‍ അത് എന്ത് വിലകൊടുത്തും സാധ്യമാക്കുകയെന്നതാണ് തന്റെ രീതി. അതാണ് 98ാം വയസില്‍ സാധ്യമായതെന്നാണ് രാജ്കുമാര്‍ വിജയത്തെക്കുറിച്ചുള്ള ചോദ്യത്തിന് മറുപടിയായി പറഞ്ഞത്.