മേപ്പയ്യൂര്‍: മേപ്പയ്യൂരില്‍ ബസ് മറിഞ്ഞ് 20 പേര്‍ക്ക് പരുക്ക്. പരുക്കേറ്റവരില്‍ ആറു പേരുടെ നില ഗുരുതരമാണ്. കെ.എസ്.ആര്‍.ടി.സി ബസ്സിന് സൈഡ് കൊടുക്കുന്നതിനിടെയാണ് അപകടമുണ്ടായതെന്നാണ് പ്രാഥമിക വിവരം. മേപ്പയ്യൂര്‍ ഹൈസ്‌കൂളിന് സമീപത്ത് വച്ചാണ് അപകടമുണ്ടായത്.

പരുക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയിലും സമീപ ആശുപത്രികളിലും പ്രവേശിപ്പിച്ചു. ബസ്സിന്റെ അമിതവേഗതയാണ് അപകടത്തിന് കാരണമെന്ന് നാട്ടുകാര്‍ പറഞ്ഞു. അപകടത്തില്‍പ്പെട്ട സ്വകാര്യബസ് ഇതു വരെ ഉയര്‍ത്തിയിട്ടില്ല. പൊലിസും നാട്ടുകാരും ഫയര്‍ഫോഴ്‌സുമാണ് രക്ഷാപ്രവര്‍ത്തനം നടത്തിയത്.