ഫറോക്ക്: ഉപജില്ലാ സ്‌കൂള്‍ കലോത്സവം ചെറുവണ്ണൂര്‍ വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ ഇന്നുമുതല്‍ ആരംഭിക്കും. 17 വരെ നടക്കുന്ന കലാമേളയില്‍ നാലായിരം വിദ്യാര്‍ഥികള്‍ പങ്കെടുക്കും. ഭുവനേശ്വരി ഹാള്‍, സെന്റ് ഫ്രാന്‍സിസ് ചര്‍ച്ച് പാരിഷ് ഹാള്‍, ചെറുവണ്ണൂര്‍ കമ്മ്യൂനിറ്റി ഹാള്‍, വെസ്റ്റ് എ.എല്‍.പി സ്‌കൂള്‍ എന്നിവയാണ് മറ്റു വേദികള്‍.
ഇന്നു രാവിലെ 9.30ന് ഉപജില്ലാ വിദ്യാഭ്യാസ ഓഫിസര്‍ പി.കെ ശോഭന പതാക ഉയര്‍ത്തും. വൈകിട്ടു മൂന്നിന് വി.കെ.സി മമ്മദ്‌കോയ എം.എല്‍.എ മേള ഉദ്ഘാടനം ചെയ്യും. വാര്‍ത്താസമ്മേളനത്തില്‍ സ്വാഗതസംഘം ചെയര്‍മാന്‍ കെ. മായിന്‍, കണ്‍വീനര്‍ സുഷമ എസ്. ജേക്കബ്, പി.കെ ശോഭന, പ്രേമദാസന്‍, ജെറി ആഞ്ജലീന, ശിവദാസന്‍, പി.കെ ഹൈദര്‍ അലി, വി. സുരേഷ്, ഗോപാലന്‍, എ. അഹമ്മദ്‌കോയ പങ്കെടുത്തു.