താമരശേരി ചുരത്തില്‍ കാര്‍ മുപ്പത് അടി താഴ്ചയിലേക്ക് മറിഞ്ഞു

കോഴിക്കോട്: താമരശേരി ചുരം ഒന്നാം വളവിന് സമീപം കാര്‍ താഴ്ചയിലേക്ക് മറിഞ്ഞ് അപകടം. നിലമ്പൂര്‍ പോത്തുകല്ല് സ്വദേശികള്‍ സഞ്ചരിച്ചിരുന്ന കാറാണ് അപകടത്തില്‍പ്പെട്ടത്.

കാര്‍ നിയന്ത്രണം വിട്ട് മുപ്പത് അടി താഴ്ചയിലേക്ക് മറിയുകയായിരുന്നു. യാത്രക്കാര്‍ പരുക്കുകളോടെ രക്ഷപ്പെട്ടു. ആരുടെയും പരുക്ക് ഗുരുതരമല്ല. ഇന്ന് പുലര്‍ച്ചെയായിരുന്നു അപകടം.