ഗോവ: തെരഞ്ഞെടുപ്പ് അടുത്തിരിക്കേ ഗോവയില്‍ ബി.ജെ.പിക്ക് വന്‍ തിരിച്ചടി. ശാസ്ത്ര സ്ങാകോതിക മന്ത്രി മൈക്കല്‍ ലോബോ രാജി വെച്ചു.ബി.ജെ.പിയിലെ ക്രൈസ്തവ മുഖം കൂടിയായിരുന്നു ലോബോ.ഇതോടെ ബി.ജെപി.യില്‍ നിന്നും രാജിവെക്കുന്ന ക്രൈസ്തവ എം.എല്‍.എ മാരുടെ എണ്ണം മൂന്നായി.

ബി.ജെ.പിയുടെ പ്രവര്‍ത്തനത്തില്‍ താനും പ്രവര്‍ത്തകരും അതൃപ്തരാണെന്നും അതുകൊണ്ടാണ് രാജിയെന്നും മൈക്കല്‍ ലോബോ പ്രതികരിച്ചു.കത്തോലിക്കാ വിഭാഗത്തിന് സ്വാധീനമുള്ള കലാങ്കൂത്ത് മണ്ഡലത്തില്‍ നിന്നുള്ള ജനപ്രതിനിധിയാണ് മൈക്കല്‍ ലോബോ. ഇന്ന് നാല് മണിക്ക് പനജിയില്‍ നടക്കുന്ന ചടങ്ങില്‍ ലോബോ കോണ്‍ഗ്രസില്‍ ചേരും. ഫെബ്രുവരി 14 നാണ് ഗോവയില്‍ തെരഞ്ഞെടുപ്പ്.