ഹരിദ്വാർ
ഹരിദ്വാറിൽ മുസ്‌ലിം വംശഹത്യാഹ്വാനം നടത്തിയ കേസിൽ സുപ്രിംകോടതി വിമർശനത്തിനു പിന്നാലെ വസീം റിസ്‌വി എന്ന നാരായൺ ത്യാഗി അറസ്റ്റിൽ. പ്രതികളെ അറസ്റ്റ് ചെയ്യാത്തത് എന്തുകൊണ്ടാണെന്ന് കഴിഞ്ഞ ദിവസം സുപ്രിംകോടതി ഉത്തരാഖണ്ഡ് പൊലിസിനോട് ചോദിച്ചിരുന്നു.
വംശഹത്യാ ആഹ്വാനം നടത്തിയ കേസിൽ ഇതാദ്യമായാണ് പൊലിസ് ഒരാളെ അറസ്റ്റ് ചെയ്യുന്നത്. കഴിഞ്ഞ ഡിസംബർ 17 മുതൽ 19 വരെയാണ് മൂന്നു ദിവസം നീണ്ട വിദ്വേഷ പ്രസംഗ സമ്മേളനം ഹിന്ദുത്വ സംഘടനകൾ ഹരിദ്വാറിൽ നടത്തിയത്. ഉത്തർപ്രദേശ് മുൻ ശീഈ വഖ്ഫ് ബോർഡ് ചെയർമാനാണ് റിസ്‌വി.വിദ്വേഷ കേസിൽ ഉത്തരാഖണ്ഡ് പൊലിസ് ആദ്യം കേസ് രജിസ്റ്റർ ചെയ്തതും ഈയിടെ ഹിന്ദുമതം സ്വീകരിച്ച വസീം റിസ്‌വി എന്ന നാരായൺ ത്യാഗിക്കെതിരേയായിരുന്നു. ത്യാഗിയുടെ അറസ്റ്റ് ഹരിദ്വാർ എസ്.പി സ്വതന്ത്ര കുമാർ സ്ഥിരീകരിച്ചു.