ചെന്നൈ: മുത്തൂറ്റ് ഫിനാന്‍സിന്റെ ഹൊസൂരിലെ ശാഖയില്‍ നിന്ന് സ്വര്‍ണം കൊള്ളയടിച്ച സംഭവത്തില്‍ ആറു പേര്‍ പിടിയില്‍. ഹൈദരാബാദില്‍ നിന്നാണ് ഇവരെ പിടികൂടിയത്.

ഏഴു കോടി രൂപ വിലമതിക്കുന്ന സ്വര്‍ണമാണ് കൊള്ളയടിച്ചത്. തോക്കു ചൂണ്ടിയായിരുന്നു സംഘം കവര്‍ച്ച നടത്തിയത്.

ഹൊസൂര്‍- ബംഗളൂരു റോഡിലെ മുത്തൂറ്റ് ശാഖയിലാണു വന്‍ കവര്‍ച്ച നടന്നത്. വെള്ളിയാഴ്ച രാവിലെ ഒന്‍പതരയ്ക്കു ജീവനക്കാരെ കെട്ടിയിട്ട ശേഷം സ്വര്‍ണവും പണവും കവരുകയായിരുന്നു. 25,091 ഗ്രാം സ്വര്‍ണവും 96,000 രൂപയുമാണ് അപഹരിച്ചത്.