ബദിയടുക്ക: ഗോളിയടുക്ക ഇറക്കത്തില്‍ സ്‌കൂള്‍ ബസ് മറിഞ്ഞ് ഇരുപതോളം വിദ്യാര്‍ഥികള്‍ക്കു പരുക്കേറ്റു. ബദിയടുക്ക കുന്നില്‍ ഇംഗ്ലീഷ് മീഡിയം സ്‌കൂളിലെ വിദ്യാര്‍ഥികള്‍ സഞ്ചരിച്ച ബസാണു മറിഞ്ഞത്. ഇന്നലെ വൈകിട്ട് 4.45 നാണു സംഭവം.
നീര്‍ച്ചാല്‍, സീതാംഗോളി, കിന്നിംഗാര്‍ ഭാഗത്തുള്ള കുട്ടികളായിരുന്നു ബസിലുണ്ടായിരുന്നത്. ബസിന്റെ ബ്രേക്ക് പൊട്ടിയതാണു അപകട കാരണമെന്നു കരുതുന്നു. ഓടിക്കൂടിയ നാട്ടുകാര്‍ വിദ്യാര്‍ഥികളെ രക്ഷപ്പെടുത്തി.
നീര്‍ച്ചാലിലെ ആശുപത്രിയില്‍ പ്രാഥമിക ചികിത്സ നല്‍കി വിട്ടയച്ചു. വിവരമറിഞ്ഞു ബദിയടുക്ക പൊലിസും സ്ഥലത്തെത്തി.