ആറു പതിറ്റാണ്ട് കാലം പ്രബോധന വീഥിയില്‍ ജ്വലിച്ചു നിന്ന പണ്ഡിതനായിരുന്നു വയലിത്തറ മുഹമ്മദ് കുഞ്ഞ് മൗലവി എന്ന് സമസ്ത പ്രസിഡണ്ട് സയ്യിദ് മുഹമ്മദ് ജിഫ്രി മുത്തുകോയ തങ്ങള്‍ അനുസ്മരിച്ചു. പഴയ കാലഘട്ടത്തില്‍ തന്നെ ധാര്‍മിക വിഷയങ്ങളിലും ശാസ്ത്ര വിഷയങ്ങളിലും മികച്ച രീതിയില്‍ പ്രഭാഷണം നടത്താനുള്ള പ്രാഗല്‍ഭ്യം അദ്ദേഹത്തിനുണ്ടായിരുന്നു.

ദീര്‍ഘകാലം പ്രഭാഷണം നടത്തി ജനങ്ങളുടെ മനസില്‍ ഇടം നേടിയ വ്യക്തിയായിരുന്നു അദ്ദേഹം. വിഷയങ്ങളുടെ ആഴത്തിലേക്കിറങ്ങി പ്രഭാഷണം നടത്താനുള്ള കഴിവ് അദ്ദേഹത്തിനുണ്ടായിരുന്നു. ഞാനുമായും എന്റെ പിതാവുമായും അടുത്ത സൗഹൃദബന്ധം ഉണ്ടായിരുന്നുവെന്നും തങ്ങള്‍ അനുസ്മരിച്ചു.