HOME
DETAILS

റമദാനിൽ വൈവിധ്യമാർന്ന പ്രത്യേക ക്ഷേമപദ്ധതികളുമായി സഊദി ലുലു

  
backup
April 14 2021 | 06:04 AM

lulu-group-saudi-ramdan-offers-2021

റിയാദ്: വിശുദ്ധ റമദാനിൽ ചാരിറ്റി പ്രവർത്തനങ്ങൾ ഉൾപ്പെടെ വൈവിധ്യമാർന്ന പ്രത്യേക ക്ഷേമപദ്ധതികളുമായി ലുലു ഗ്രൂപ്പ് സഊദി ഘടകം. രാജ്യത്തെ ഭക്ഷ്യ ബാങ്കുമായി സഹകരിച്ചുള്ള പ്രത്യേക പദ്ധതികൾ ഉൾപ്പെടെയുള്ളവയാണ് റമദാനിൽ നടപ്പാക്കുന്നതെന്ന് ലുലു ഗ്രൂപ്പ് സഊദി മാനേജ്‌മെന്റ് അറിയിച്ചു. മഹാമാരി കാലത്ത് കുറഞ്ഞ വിലക്ക് അവശ്യസാധനങ്ങൾ ലഭ്യമാക്കുകയെന്ന ലക്ഷ്യത്തോടെ സഊദിയിലെ എല്ലാ ലുലു ഹൈപ്പർമാർക്കറ്റുകളിലും റമദാൻ കിറ്റ് പദ്ധതികൾ നടപ്പാക്കിയിട്ടുണ്ട്. റീട്ടെയിൽ പ്രമോഷനുകളും ചാരിറ്റി പ്രവർത്തനങ്ങളും ഉൾപ്പെടുന്ന വിവിധ പദ്ധതികളാണ് ലുലു ഗ്രൂപ് പ്രഖ്യാപിച്ചിരിക്കുന്നത്. ലുലു ഗ്രൂപ്പി‍െൻറ റീട്ടെയിൽ പ്രമോഷനുകളും ചാരിറ്റി പ്രവർത്തനങ്ങളും ഉയർന്ന നിലവാരമുള്ള ഷോപ്പിങ് അന്തരീക്ഷവും ഉപഭോക്താവിനെ ഏറെ ആകർഷിക്കുന്ന ഘടകങ്ങളാണ്.

ഗാർഹിക ഭക്ഷ്യ ഉൽപന്നങ്ങൾ അടങ്ങുന്ന റദാൻ കിറ്റ്, ഇഫ്താറിനും അത്താഴത്തിനുമുള്ള പ്രത്യേക കാർഡ്, സമ്മാന കൂപ്പണുകൾ, വ്രതമനുഷ്ഠിക്കുന്നവർക്ക് ഏറെ ഉപകാരപ്രദമായ ഇഫ്‌താർ ബോക്സ് തുടങ്ങിയവയാണ് പ്രധാനമായും റമദാൻ ക്ഷേമപദ്ധതികളിൽ ഉൾപ്പെടുത്തിയിരിക്കുന്നത്. സഊദി ഭക്ഷ്യ ബാങ്കുമായി സഹകരിച്ചാണ് ഇവ നടപ്പിലാക്കുന്നത്. അവശ്യ ഷോപ്പിംഗിനും സംഭാവനയ്ക്കുമായി പ്രത്യേകമായ ലുലു പ്രീ-പായ്ക്ക് റമദാൻ കിറ്റ്, ലുലു റമദാൻ പ്രമേയമുള്ള കാർഡ് എന്നിവയും പുറത്തിറക്കിയിട്ടുണ്ട്. ലുലു സൗദി ഡയറക്ടർ ഷഹീം മുഹമ്മദിന്റെ സാന്നിധ്യത്തിൽ സഊദി ഫുഡ് ബാങ്ക് റിയാദ് റീജനൽ മാനേജർ അബ്ദുറഹ്മാൻ അൽ ഹുസൈമിയും ലുലു ഹൈപ്പർമാർക്കറ്റ്സ് അഡ്മിനിസ്‌ട്രേറ്റിവ് ഡയറക്ടർ ബഷർ അൽ ബിഷ്‌റും ഇതു സംബന്ധമായ കരാറിൽ ഒപ്പിട്ടു.

റമദാൻ ഇഫ്താർ & സുഹൂർ കാർഡ് പദ്ധതിയിൽ 15, 150 റിയാലിലുള്ള ലുലു റമദാൻ കാർഡ് ആണ് പുറത്തിറക്കിയിരിക്കുന്നത്. മെയ് 13 വരെ ഉപയോഗിക്കാൻ സാധിക്കുന്ന കാർഡിന്റെ മൊത്തം മൂല്യം ഉപയോഗിക്കുന്നതുവരെ നിരവധി ഇടപാടുകളിൽ ഒന്നിലധികം തവണ ഉപയോഗിക്കാവുന്നതാണ്.
സഊദി ഫുഡ് ബാങ്കുമായി സഹകരിച്ച് അവതരിപ്പിച്ച ഇഫ്ത്വാർ ബോക്‌സിന് 15 റിയാൽ വീതമാണ് വില. ക്യാഷ് കൗണ്ടറുകൾ വഴി 15 റിയാൽ സംഭാവന ചെയ്യാനുള്ള അവസരവുമുണ്ട്. ദരിദ്രർക്കും ചാരിറ്റി ഗ്രൂപ്പുകൾക്കും സഊദി ഫുഡ് ബാങ്ക് ഇഫ്ത്വാർ ബോക്സുകൾ വിതരണം ചെയ്യും. ആരോഗ്യകരമായ ഇഫ്താർ, സുഹൂർ ഭക്ഷണം എന്നിവ വാങ്ങുന്നതിൽ നിന്നും അഞ്ചു ശതമാനം ചാരിറ്റബിൾ ഓർഗനൈസേഷന് സംഭാവന ചെയ്യും.

ലുലു ഹെൽത്ത് ഈസ് വെൽത്ത് കാംപയിനും ശ്രദ്ദേയമാണ്. അമിതവണ്ണത്തെക്കുറിച്ചും ആരോഗ്യ അപകടങ്ങളെക്കുറിച്ചും അവബോധം വളർത്തുന്നതിനൊപ്പം സമൂഹത്തിൽ ഇത് വ്യാപിക്കുന്നത് പരിമിതപ്പെടുത്തുന്നതിന്റെ പ്രാധാന്യവും ലക്ഷ്യമാക്കിയാണ് കെ എ വൈ എല്ലുമായി സഹകരിച്ച് ഈ പദ്ധതി നടപ്പിലാക്കുന്നത്. പലചരക്ക് സാധനങ്ങളുടെ ഷോപ്പിങ് അടക്കം ഉപഭോക്താവിന് എല്ലാം എളുപ്പവും സൗകര്യപ്രദവുമാക്കാനുള്ള സംവിധാനങ്ങളാണ് വിവിധ പദ്ധതികൾ നടപ്പിലാക്കുക വഴി ലുലു ഗ്രൂപ് ലക്ഷ്യം വെക്കുന്നതെന്ന് ലുലു സഊദി ഡയറക്ടർ ഷഹീം മുഹമ്മദ് പറഞ്ഞു. കൂടുതൽ പ്രമോഷനുകൾക്കും മറ്റുമായി https://www.luluhypermarket.com/en-sa/pages/instore-promotions. എന്ന പേജ് സന്ദർശിക്കാവുന്നതാണ്.

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."