റിയാദ്: റിയാദിലെ ലൈല അഫ്ലാജിലുണ്ടായ വാഹനാപകടത്തിൽ തമിഴ്നാട് സ്വദേശിയടക്കം നാല് പേർ മരണപെട്ടു. ലൈല അഫ് ലാജിൽ റിയാദ് റോഡിൽ 30 കിലോമീറ്റർ അകലെ ബുധനാഴ്ച രാവിലെയാണ് അപകടം. തമിഴ്നാട് കന്യാകുമാരി സ്വദേശി ഗോപാലകൃഷ്ണ പിള്ളൈ (56) യാണ് മരണപ്പെട്ട ഇന്ത്യക്കാരൻ. മരിച്ച മറ്റു മൂന്ന് പേരിൽ രണ്ട് പേർ സുഡാൻ പൗരന്മാരും ഒരാൾ നേപ്പാൾ സ്വദേശിയുമാണ്.

റോഡ് പണി ചെയ്ത് കൊണ്ടിരിക്കുന്ന വാഹനത്തിന്റെ പുറകിൽ ട്രെയ്‌ലർ വാഹനം ഇടിച്ചാണ് അപകടം. പതിനാല് വർഷമായി കമ്പനിയിൽ ജോലി ചെയ്ത് വരികയായിരുന്നു ഗോപാലകൃഷ്ണ പിള്ളൈ. പിതാവ്: നീലകണ്‌ഠ പിള്ളൈ, മാതാവ്: വലിമ്മ, ഭാര്യ: കല

മൃതദേഹം നാട്ടിലെത്തിക്കാനായി ലൈല അഫ് ലാജ് കെഎംസിസി പ്രസിഡന്റ് മുഹമ്മദ് രാജയും റിയാദ് മലപ്പുറം ജില്ലാ കെഎംസിസി വിങ്ങും രംഗത്തുണ്ട്.