പഴയങ്ങാടി: ഓണ്‍ലൈനില്‍ മദ്യംവില്‍ക്കാനുള്ള സര്‍ക്കാര്‍ നീക്കം പിന്‍വലിക്കണമെന്നും ഓണ്‍ലൈനിലൂടെ മദ്യവില്‍പന നടത്തുമെന്നു പറയുന്നത് ഒരിക്കലും അംഗീകരിക്കാനാവില്ലെന്നും എസ്.കെ.എസ്.എസ്.എഫ് ജില്ലാ സെക്രട്ടേറിയറ്റ്. കേരളത്തെ മദ്യാലയമാക്കാനുളള നീക്കം അപലപലനീയമാണ്. മദ്യത്തിന്റെ വ്യാപനവും ഉപയോഗവും കുറച്ച് കൊണ്ടുവരുന്നതാവണം സര്‍ക്കാരിന്റെ നയം. സംസ്ഥാനത്ത് മദ്യമൊഴുക്കാന്‍ ശ്രമിച്ചാല്‍ ഗുരുതര പ്രത്യാഖാതം ഉണ്ടാകുമെന്നും എസ്.കെ.എസ്.എസ്.എഫ് അറിയിച്ചു.