കാഞ്ഞങ്ങാട്: കേരള ശാസ്ത്ര സാഹിത്യ പരിഷത്ത് വിദ്യാഭ്യാസ വകുപ്പുമായി സഹകരിച്ചു നടത്തുന്ന വിജ്ഞാനോത്സവത്തിനു തുടക്കമായി. 'സൂക്ഷ്മജീവികളുടെ ലോകം' എന്നതാണ് ഇപ്രാവശ്യത്തെ വിജ്ഞാനോത്സവ വിഷയം.
ഇതിന്റെ ഭാഗമായി യുറീക്ക ശാസ്ത്ര കേരളം സ്‌പെഷല്‍ പതിപ്പുകളെ അധികരിച്ചുള്ള ശാസ്ത്ര ക്ലാസുകള്‍, പാനല്‍ പ്രദര്‍ശനം, വീഡിയോ പ്രദര്‍ശനം, സ്ലൈഡ് ഷോ, ക്വിസ് മത്സരം എന്നിങ്ങനെ ഒരാഴ്ചക്കാലം നീണ്ടു നില്‍ക്കുന്ന പ്രവര്‍ത്തനങ്ങള്‍ സ്‌കൂളുകളില്‍ നടക്കും.
23 ന് ഉച്ചയ്ക്കു നടക്കുന്ന ക്വിസ് മത്സരത്തോടെ സ്‌കൂള്‍ തല വിജ്ഞാനോത്സവ പ്രവര്‍ത്തനങ്ങള്‍ക്കു സമാപനമാകും.
വിജ്ഞാനോത്സവ പ്രവര്‍ത്തനങ്ങളുടെ ജില്ലാതല ഉദ്ഘാടനം കാഞ്ഞങ്ങാട് തെരുവത്ത് ജി.എല്‍.പി സ്‌കൂളില്‍ പരിഷത്ത് ജില്ലാ പ്രസിഡന്റ് പ്രദീപ് കൊടക്കാട് നിര്‍വഹിച്ചു. പ്രധാനധ്യാപകന്‍ കെ.കെ രാഘവന്‍ അധ്യക്ഷനായി. ടി ഗിരീഷ്, കെ.വി പ്രമീള സംസാരിച്ചു.
23നു നടക്കേണ്ട ക്വിസ് മത്സരത്തിന്റെ ചോദ്യങ്ങള്‍ ക്ലസ്റ്റര്‍ പരിശീലനത്തില്‍ വിതരണം ചെയ്തു.