പാലക്കാട്: മണ്ണാര്‍ക്കാട് തച്ചമ്പാറയില്‍ തോക്കുമായി യുവാവിന്റെ കവര്‍ച്ചാ ശ്രമം. വീട്ടില്‍ കയറി മോഷണത്തിന് ശ്രമിച്ച പാലക്കാട് സ്വദേശി ജാഫറാലി അറസ്റ്റിലായി. ഇന്നലെ രാത്രി പതിനൊന്നരയോടെയാണ് സംഭവം. മുള്ളത്ത് പാറയിലെ ഒരു വീട്ടില്‍ ജാഫറാലി കയറി. തോക്കു ചൂണ്ടി. സ്വര്‍ണവും പണവും ആവശ്യപ്പെട്ടു. ഇതോടെ വീട്ടമ്മ ബഹളം വച്ചു. നാട്ടുകാര്‍ ഓടിക്കൂടി. ഇറങ്ങിയോടാന്‍ ശ്രമിച്ച പ്രതിയെ കീഴ്‌പ്പെടുത്തി.

കല്ലടിക്കോട് പൊലീസ് എത്തിയാണ് കള്ളനെ കൊണ്ട് പോയത്. ഇയാളില്‍ നിന്ന് മറ്റുചില മാരകായുധങ്ങള്‍ കൂടി കണ്ടെടുത്തു. മുന്‍പും മോഷണക്കേസില്‍ പ്രതിയാണ് ജാഫറാലി.