ജിദ്ദ: വിശുദ്ധ റമദാനില്‍ പരമാവധി പുണ്യ പ്രവര്‍ത്തനങ്ങള്‍ നടത്തി റമദാന്‍ കൊണ്ട് വിജയം നേടിയവരില്‍ ഉള്‍പ്പെടാന്‍ ശ്രമിക്കണമെന്ന് യുവ പണ്ഡിതനും ട്രൈനറും 'സൈന്‍' എക്‌സിക്യൂട്ടീവ് ഡയറക്ടറുമായ റാഷിദ് ഗസാലി ഉദ്‌ബോധിപ്പിച്ചു. റമദാനിലെ വ്രതം കാരണം സ്വഭാവം നന്നാവുകയും മനസ് ശുദ്ധമാവുകയും ചിന്തകള്‍ നന്നാവുകയും ഒപ്പം ഇടപാടുകള്‍ നന്നാവുകയും വേണമെന്നും അദ്ദേഹം പറഞ്ഞു. ' സൈന്‍' ജിദ്ദ ചാപ്റ്റര്‍ സംഘടിപ്പിച്ച 'മഹാമാരിയും കടന്ന്' ഏഴാമത് റമദാന്‍ പ്രഭാഷണ പരിപാടിയുടെ രണ്ടാം സെഷനില്‍ പ്രഭാഷണം നടത്തുകയായിരുന്നു അദ്ദേഹം.
സൂം ഓണ്‍ലൈന്‍ പ്ലാറ്റ്ഫോമില്‍ നടന്ന പരിപാടിയില്‍ സൈന്‍ ജിദ്ദ ഡയറക്ടര്‍ ഷാനവാസ് മാസ്റ്റര്‍ അധ്യക്ഷത വഹിച്ചു.കോഴിക്കോട് വലിയ ഖാസി പാണക്കാട് സയ്യിദ് നാസര്‍ അബ്ദുല്‍ ഹയ്യ് തങ്ങള്‍ അനുഗ്രഹ പ്രഭാഷണം നടത്തി.സൈന്‍ ജിദ്ദ ഡെപ്യൂട്ടി ഡയറക്ടര്‍ അഷ്റഫ് പൊന്നാനി സ്വാഗതവും ഹിഫ്സു റഹ്‌മാന്‍ നന്ദിയും പറഞ്ഞു.