കരുനാഗപ്പള്ളി: കരുനാഗപ്പള്ളി വട്ടക്കായലില്‍ വള്ളത്തില്‍ ചൂണ്ടയിടാന്‍ പോയ വള്ളം മറിഞ്ഞ് കാണാതായ സുധിനുവേണ്ടി തിരച്ചില്‍ തുടരുന്നു. മരുതൂര്‍ക്കുളങ്ങര തെക്ക്, മംഗലത്ത് സുധിനെ (23)ആണ് കാണാതായത്. കൂടെയുണ്ടായിരുന്ന രണ്ടു പേര്‍ നീന്തി രക്ഷപ്പെടുകയായിരുന്നു.
മരുതൂര്‍ക്കുളങ്ങര തെക്ക്, മണ്ണേല്‍, ഹരികൃഷ്ണന്‍ (23), പീടികചിറയില്‍ ശിവശങ്കര്‍ (22) എന്നിവരെയാണ് രക്ഷപ്പെടുത്തിയത്. ഇവരെ കരുനാഗപ്പള്ളിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

വെള്ളിയാഴ്ച വൈകിട്ടാണ് സംഭവം. ശക്തമായ കാറ്റിലും മഴയിലും വള്ളം മറിഞ്ഞതോടെ മൂന്നുപേരും നീന്തി രക്ഷപെടാന്‍ ശ്രമിച്ചു. ഇതിനിടെ സുധിനെ കാണാതാവുകയായിരുന്നു. മറ്റുള്ളവരെ നാട്ടുകാരുടെ സഹായത്തോടെ രണ്ടുപേരെ കന്നിട്ടകടവിനു സമീപം കരയിലെത്തിക്കുകയായിരുന്നു. സുധിന്‍ സുരേന്ദ്രന്‍ ഉഷ ദമ്പതികളുടെ മകനാണ്.