മലപ്പുറം: എടപ്പാള്‍ മേല്‍പാലത്തില്‍ വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ ഒരു മരണം. പിക്കപ്പ് വാന്‍ ഡ്രൈവര്‍ പാലക്കാട് സ്വദേശി രാജേന്ദ്രനാണ് മരിച്ചത്. അഞ്ച് പേര്‍ക്ക് പരുക്കേറ്റു.

പുലര്‍ച്ചെ നാലു മണിയോടെയായിരുന്നു അപകടം. തൃശ്ശൂര്‍ ഭാഗത്ത് നിന്നെത്തിയ കെ.എസ്.ആര്‍.ടി.സി ബസും എതിര്‍ദിശയില്‍ നിന്ന് വന്ന പിക്കപ്പ് വാനും തമ്മില്‍ കൂട്ടിയിടിക്കുകയായിരുന്നു. ബസില്‍ യാത്രക്കാര്‍ കുറവായിരുന്നു.

ബസ് പൂര്‍ണമായും പിക്കപ്പ് വാനിലേക്ക് ഇടിച്ചു കയറിയ നിലയിലായിരുന്നു. ക്രൈയിന്‍ ഉപയോഗിച്ച് ബസ് കെട്ടിവലിച്ച് നീക്കിയ ശേഷമാണ് പിക്കപ്പ് വാനില്‍ കുടുങ്ങിയ ഡ്രൈവറെ നാട്ടുകാരും അഗ്നിശമനസേനയും ചേര്‍ന്ന് പുറത്തെടുത്തത്.