ചാവക്കാട്:  ചാവക്കാട് സര്‍വീസ് സഹകരണ ബാങ്കിന്റെ പാലയൂര്‍ ശാഖ ഉദ്ഘാടനം ഇന്ന്. പാലയൂര്‍ പള്ളിക്ക് സമീപം ആരംഭിക്കുന്ന ശാഖ ഇന്ന് വൈകുന്നേരം അഞ്ചിന് സഹകരണ മന്ത്രി എ.സി മൊയ്തീനാണ് ഉദ്ഘാടനം ചെയ്യുന്നത്. കെ.വി അബ്ദുല്‍ ഖാദര്‍ എം.എല്‍.എ അധ്യക്ഷനാകുന്ന ചടങ്ങില്‍ മുന്‍ പ്രസിഡന്റുമാരായ ബേബി ജോണ്‍, കെ.ടി ഭരതന്‍, പി.വി ഇബ്രാഹിം എന്നിവരെ ആദരിക്കും.
നഗരസഭാ അധ്യക്ഷന്‍ എന്‍.കെ അക്ബര്‍ ഉള്‍പ്പടെ പ്രമുഖര്‍ പങ്കെടുക്കുമെന്നും ബാങ്ക് പ്രസിഡന്റ് എ.എച്ച് അക്ബര്‍  അറിയിച്ചു.