കൊച്ചി: കൊച്ചിയിലും പെട്രോള്‍ പമ്പില്‍ മോഷണം. ചെറായിയിലെ പെട്രോള്‍ പമ്പിലാണ് മോഷണം നടന്നിരിക്കുന്നത്. 1,35,000 രൂപയും പമ്പിലെ ഫോണും മോഷണം പോയി. മുനമ്പം പൊലിസ് അന്വേഷണം ആരംഭിച്ചു.

ഇന്നലെ കോഴിക്കോട് കോട്ടൂളിയിലെ പെട്രോള്‍ പമ്പില്‍ ജീവനക്കാരനെ കെട്ടിയിട്ട് പണം കവര്‍ന്നിരുന്നു. ഇന്നലെ അര്‍ധരാത്രിയായിരുന്നു സംഭവം. ഇതിന്റെ സിസിടിവി ദൃശ്യങ്ങള്‍ പുറത്തു വന്നിരുന്നു. മുളകുപൊടി എറിഞ്ഞാണ് അജ്ഞാതന്‍ ജീവനക്കാരനെ വീഴ്ത്തിയത്.

50,000 രൂപ കവര്‍ന്നുവെന്നാണ് പ്രാഥമിക നിഗമനം. സംഘത്തില്‍ കൃത്യം എത്രപേരുണ്ട് എന്ന വിവരം പൊലിസിന് ഇതുവരെ ലഭ്യമായിട്ടില്ല. മുഹമ്മദ് റാഫിയെന്ന ഒരു ജീവനക്കാരന്‍ മാത്രമാണ് ഇവിടെയുണ്ടായിരുന്നത്. ഇയാളെ അക്രമിച്ച് കീഴടക്കിയാണ് പണം കവര്‍ന്നത്. പരിക്കേറ്റ ജീവനക്കാരനെ ചികിത്സക്കായി കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റിയിട്ടുണ്ട്.