ന്യൂഡല്‍ഹി: രാജ്യത്ത് കഴിഞ്ഞ 24 മണിക്കൂറിനിടെ കൊവിഡ് 19 സ്ഥിരീകരിച്ചത് 62,224 പേര്‍ക്ക്. 2542 പേര്‍ രോഗം ബാധിച്ച് മരിക്കുകയും ചെയ്തുവെന്ന് ആരോഗ്യമന്ത്രാലയം അറിയിച്ചു.

1,07,628 പേരാണ് കഴിഞ്ഞ ദിവസം രോഗമുക്തരായത്. .ചികിത്സയിലുള്ള കൊവിഡ് രോഗികളുടെ എണ്ണം ഒമ്പത് ലക്ഷത്തില്‍ താഴെയെത്തിയതും ആശ്വാസമാവുകയാണ്. 8,65,432 പേരാണ് നിലവില്‍ ചികിത്സയിലുള്ളത്.

ഇതുവരെ 2,96,33,105 പേര്‍ക്കാണ് രാജ്യത്ത് കൊവിഡ് സ്ഥിരീകരിച്ചത്. 2,83,88,100 പേര്‍ക്ക് രോഗമുക്തിയുണ്ടായി. 3,79,573 പേര്‍ രോഗം ബാധിച്ച് മരിച്ചു.

നിലവില്‍ കേരളം ഉള്‍പ്പെടെ അഞ്ചു സംസ്ഥാനങ്ങളിലാണ് ഭൂരിഭാഗം കൊവിഡ് കേസുകളും റിപ്പോര്‍ട്ട് ചെയ്യുന്നത്. തമിഴ്‌നാട്, മഹാരാഷ്ട്ര, ആന്ധ്രപ്രദേശ്, കര്‍ണാടക എന്നിവയാണ് മറ്റു സംസ്ഥാനങ്ങള്‍.

അതേസമയം, 26,19,72,014 പേര്‍ക്ക് ഇതുവരെ വാക്‌സിന്‍ നല്‍കിയെന്ന് ആരോഗ്യമന്ത്രാലയത്തിന്റെ കണക്കുകള്‍ സൂചിപ്പിക്കുന്നു.