കൊല്ലം: ശാസ്താംകോട്ടയില്‍ തെരുവുനായ്ക്കളുടെ കടിയേറ്റ് അംഗപരിമിതനുള്‍പ്പെടെ മൂന്നുപേര്‍ക്ക് പരുക്ക്.


പടിഞ്ഞാറേ കല്ലട കളത്തില്‍ വീട്ടില്‍ സുമാംഗി(55), പൂഞ്ചോല വീട്ടില്‍ ഓമന(58), ശാസ്തംകോട്ട ആഞ്ഞിലിമൂട് ചരുവിള വടക്കതില്‍ ജയിംസ്‌കുട്ടി(48)എന്നിവര്‍ക്കാണ് പരുക്കേറ്റത്.


കാലുകള്‍ക്കു ശേഷികുറവുള്ള ജയിംസ്‌കുട്ടി വീടിന്റെ മതിലിനോടു ചേര്‍ന്നു കസേരയിലിരുന്നപ്പോഴായിരുന്നു നായ്ക്കള്‍ കൂട്ടമായെത്തി കടിച്ചു താഴെയിട്ടത്. ജയിംസ്‌കുട്ടിയുടെ നിലവിളി കേട്ടു സമീപത്തു ക്രിക്കറ്റ് കളിച്ചുകൊണ്ടിരുന്നു കുട്ടികള്‍ എത്തിയാണ് നായ്ക്കളില്‍നിന്നു രക്ഷിച്ചത്.


ദഹമാസകലം മുറിവേറ്റ ജയിംസ്‌കുട്ടിയും ഓമനയും ശാസ്താംകോട്ട താലൂക്ക് ആശുപത്രിയില്‍ ചികില്‍സയിലാണ്. മുഖത്തും പുറത്തും മാരകമായി കടിയേറ്റ സുമാംഗിയെ കൊല്ലം ജില്ലാ ആശുപത്രിയിലും പ്രവേശിപ്പിച്ചു.