canada job opportunities from plumbers and drivers know how to get a Job

കുടിയേറ്റം ലക്ഷ്യമിടുന്നവരുടെയെല്ലാം സ്വപ്‌ന ഭൂമികയില്‍ ഒന്നാണ് കാനഡ. വിശാലമായ ഭൂവിസ്‌കൃതിയും കുറഞ്ഞ ജനസംഖ്യയുമുളള രാജ്യം കഴിവുളളവരെയെല്ലാം സമീപകാലത്ത് തങ്ങളുടെയടുത്തേക്ക് ക്ഷണിക്കുകയാണ്.
പ്രവര്‍ത്തി പരിചയമുളളവരെയും ഭാഷാപ്രാവീണ്യമുളളവരേയും രാജ്യത്തെ നിശ്ചിത ജോലികളിലേക്ക് നിയമിക്കാന്‍ കനേഡിയന്‍ സര്‍ക്കാര്‍ നിരവധി വിസ പരിഷ്‌കാരങ്ങള്‍ ഏര്‍പ്പെടുത്തിയിട്ടുണ്ട് എന്ന റിപ്പോര്‍ട്ടുകളിപ്പോള്‍ പുറത്ത് വരുന്നുണ്ട്.
പ്രത്യേക മേഖലകളില്‍ മതിയായ പരിചയവും യോഗ്യതയുമുളളവര്‍ക്ക് രാജ്യത്തേക്ക് വിവിധ തൊഴിലവസരങ്ങള്‍ നല്‍കി കുടിയേറ്റം സാധ്യമാക്കുന്ന പദ്ധതിയായ എക്‌സ്പ്രസ് എന്‍ട്രി കുടിയേറ്റ വകുപ്പ് കൈകാര്യം ചെയ്യുന്ന മന്ത്രി സീന്‍ ഫ്രേസര്‍ പ്രഖ്യാപിച്ചിരുന്നു.

ടെക്ക്‌നോളജി, സയന്‍സ്, എഞ്ചിനിയറിങ്, ഹെല്‍ത്ത്, അധ്യാപകര്‍ തുടങ്ങി ആശാരി, പ്ലംബ്ബര്‍,ഡ്രൈവര്‍,കൃഷി തുടങ്ങി നിരവധി മേഖലകളിലേക്ക് കാനഡയിലേക്ക് എക്‌സ്പ്രസ് എന്‍ട്രി വഴി പ്രവേശനം ലഭിക്കും.

എക്‌സ്പ്രസ് എന്‍ട്രി

പ്രായം,ഭാഷ പരിജ്ഞാനം, പ്രവര്‍ത്തി പരിചയം, വിദ്യാഭ്യാസം തുടങ്ങി നിരവധി ഘടകങ്ങളെ പരിശോധിച്ചാണ് എക്‌സ്പ്രസ് എന്‍ട്രി നല്‍കപ്പെടുന്നത്. 2021ല്‍ എക്‌സ്പ്രസ് എന്‍ട്രി വഴി തൊഴില്‍ ലഭിച്ചവരില്‍ പകുതിയും ഇന്ത്യക്കാരായിരുന്നു. അതിനാല്‍ തന്നെ കാനഡ സ്വപ്‌നം കാണുന്ന പരിചയ സമ്പന്നരായ തൊഴിലാളികള്‍ക്ക് എക്‌സ്പ്രസ് എന്‍ട്രി വഴി കുടിയേറ്റത്തിന് ശ്രമിക്കാവുന്നതാണ്.

Content Highlights: canada job opportunities from plumbers and drivers know how to get a Job

വെറ്റ്‌കോളര്‍ ജോലിക്കാരെ മാത്രമല്ല; ഡ്രൈവര്‍, പ്ലംബ്ബര്‍ മുതലായ തസ്തികയിലുംകാനഡക്ക് ആളെ വേണം; മികച്ച ശമ്പളവും