ദുബൈ: സമ്പന്നരായ നിക്ഷേപകരുടെയും ആഗോള കമ്പനികളുടേയും ഇഷ്ട കേന്ദ്രമായി മാറിയ യു.എ.ഇയുടെ പാസ്‌പോര്‍ട്ടിന് തിളക്കം. ലോകത്തിലെ ഏറ്റവും ശക്തമായ പാസ്പോര്‍ട്ടുകളുടെ റാങ്കിങ്ങില്‍ മുന്നിട്ടു നില്‍ക്കാന്‍ രാജ്യത്തിനായി. യു.എ.ഇ പാസ്പോര്‍ട്ടിന് ആഗോള തലത്തില്‍ 15ാം സ്ഥാനം ലഭിച്ചു. ആഗോള നിക്ഷേപ,മൈഗ്രേഷന്‍ കണ്‍സള്‍ട്ടന്‍സിയായ ഹെന്‍ലി ആന്‍ഡ് പാര്‍ട്‌ണേഴ്‌സ് പുറത്തിറക്കിയ റിപ്പോര്‍ട്ടിലാണ് യു.എ.ഇയുടെ ഈ നേട്ടം. വിസ, ഫ്രീ, വിസ-ഓണ്‍-അറൈവല്‍ സ്‌കോര്‍ 176ലേക്ക് ഉയര്‍ന്നതാണ് യു.എ.ഇ പാസ്‌പോര്‍ട്ടിന് കരുത്തായത്. ജി.സി.സി മേഖലയിലും ഏറ്റവും ശക്തമായ പാസ്പോര്‍ട്ടാണ് യു.എ.ഇയുടേത്.